«pul o‘tkazmalari» tegli maqolalar
2024-yilda O‘zbekistonga pul o‘tkazmalari 30 foizga ko‘payib, 14,8 mlrd dollarni tashkil qildi
2024-yilda O‘zbekistonga pul o‘tkazmalari 2023-yilga nisbatan 3,4 mlrd dollar (30 foiz)ga ko‘payib, 14,8 mlrd dollarni tashkil qildi. Mablag‘larning 77 foizi Rossiyadan kelib tushdi. Buyuk Britaniyadan o‘tkazmalar 83 foizga, Janubiy Koreyadan 56 foizga, AQShdan 35 foizga hamda YeIdan 32 foizga oshdi.
O‘zbekistonga xorijdan 10 oyda 12,6 mlrd dollar jo‘natilgan. Bu 2023-yilning shu davriga nisbatan 34 foizga ko‘p
Yanvar-oktabr oylarida O‘zbekistonga kelib tushgan pul o‘tkazmalari 12,6 mlrd dollarni tashkil qilib, o‘tgan yilning mos davriga nisbatan 34 foizga ko‘paydi. Pul o‘tkazmalari AQShdan 37 foizga, Janubiy Koreyadan 71 foizga, Buyuk Britaniyadan 76 foizga hamda Yevropa Ittifoqi mamlakatlaridan 41 foizga o‘sgan.
2027-yilga borib O‘zbekistonga pul o‘tkazmalari hajmi 20 mlrd dollarga yetishi mumkin
2024-yil oxirigacha O‘zbekistonga pul o‘tkazmalari hajmi 15 mlrd dollargacha, 2027-yilga borib esa 20 mlrd dollargacha o‘sishi mumkin. Yuqori daromadli mamlakatlardan o‘tkazmalar hisobiga pul oqimlari manbalari yanada diversifikatsiya qilinishi kutilmoqda.
To‘qqiz oyda O‘zbekistonga pul o‘tkazmalari hajmi 11,3 mlrd dollarga oshdi
Yanvar-sentabr oylarida O‘zbekistonga pul o‘tkazmalari hajmi 34,8 foizga oshib, 11,3 mlrd dollarni tashkil etdi. Janubiy Koreya, Buyuk Britaniya, Polsha va BAAdan tushumlar keskin oshdi, Rossiyaning ulushi esa pasayishda davom etmoqda.
O‘zbekistonga pul o‘tkazmalari 25 foizga oshdi, Rossiyaning ulushi kamayishda davom etmoqda — MB
2024-yilning birinchi yarmida O‘zbekistonga pul o‘tkazmalari hajmi 25 foizga oshib, 6,5 milliard dollarni tashkil etdi. Bu Markaziy bankning dastlabki prognozlaridan ikki barobar ko‘p. AQSh, Germaniya, Janubiy Koreya va Polshadan tushumlar keskin oshdi. Rossiyaning ulushi pasayishda davom etmoqda.
O‘zbekistonga pul o‘tkazmalari ko‘paydi, Rossiyaning ulushi esa kamaydi — Markaziy bank
2024-yilning birinchi choragida O‘zbekistonga transchegaraviy pul o‘tkazmalari hajmi oshdi. Bu haqda 25-aprel kuni bo‘lib o‘tgan matbuot anjumanida Markaziy bank raisi Mamarizo Nurmuratov ma’lum qildi.
Rossiyadan O‘zbekistonga pul o‘tkazmalari bosqichma-bosqich kamaymoqda — Jahon banki
Rossiyadan O‘zbekistonga pul o‘tkazmalari hajmi bosqichma-bosqich kamayishi kuzatilmoqda, deyiladi Jahon banki hisobotida. O‘tkazmalar miqdoridagi kamayish Rossiyadagi o‘zbekistonlik mehnat muhojirlari soni qisqargani, so‘m kursining rublga nisbatan mustahkamlangani va rubl inflyatsiyasi bilan izohlangan.
Oson — MB jarimasi va transchegaraviy tranzit operatsiyalar taqiqlanishi haqida
“Gazeta.uz”ga Brio Group (Oson) MB qo‘llagan jarima yuzasidan izoh berdi. Shuningdek, to‘lov tashkilotlari 5-sentabrdan transchegaraviy tranzit operatsiyalar taqiqlanishi haqida ogohlantirilgani aytildi. Kompaniya MBdan millionlab mijozlarga ta’sir qiluvchi masala bo‘yicha shaffof muloqot tashkil etishni so‘rayapti.
Rublning qadrsizlanishi O‘zbekiston iqtisodiyotiga qanday ta’sir qiladi?
Rossiya rublining qadrsizlanishi Rossiyadan O‘zbekistonga pul o‘tkazmalari hajmiga, shuningdek, o‘zbekistonlik eksportyorlar daromadiga salbiy ta’sir qiladi, deya ma’lum qildi Markaziy bank rahbari Mamarizo Nurmuratov.
“Yunistrim” O‘zbekistonda odatdagidek ishlashda davom etishini ma’lum qildi
“Yunistrim” O‘zbekistonda odatdagidek ishlashda davom etishini ma’lum qildi. Shuningdek, kompaniya O‘zbekistonga pul o‘tkazmalari limitini oshirdi. 20-iyul kuni AQSh bu to‘lov tizimiga xizmat ko‘rsatuvchi bankka qarshi sanksiya joriy qilgandi va keyin O‘zbekistonning 5 ta banki “Yunistrim” bilan ishlashni to‘xtatgandi.
2023-yilda pul o‘tkazmalarining o‘sishi sekinlashadi — Jahon banki
Jahon banki 2023-yilda pul o‘tkazmalari o‘sishi sekinlashishini bashorat qilmoqda. Bu, ayniqsa, Yevropa va Markaziy Osiyoda yaqqol seziladi, deb hisoblaydi ekspertlar.
O‘zbekiston Markaziy banki shubhali operatsiyalar ro‘yxatini kengaytirdi
O‘zbekiston Markaziy banki shubhali operatsiyalar ro‘yxatini kengaytirdi. Endi ular orasida 30 kun ichida mobil ilova orqali kartadan boshqa karta yoki elektron hamyonga BHMning 500 baravari (150 mln so‘m) va undan ortiq miqdorda pul o‘tkazish ham bor.
2022-yilda O‘zbekistonga rekord darajada — 16,9 mlrd dollar jo‘natildi
2022-yilda O‘zbekistonga rekord darajada -16,9 mlrd dollar pul o‘tkazmalari kelib tushdi, bu 2021-yilga nisbatan 2,1 barobar ko‘pdir. Bu mablag‘larning katta qismi Rossiyadan. O‘zbekistondan boshqa davlatlarga 2,1 mlrd dollarlik xorijiy valyuta jo‘natilgan.
MB rahbari — valyutani yechib olayotganda banklar nega uning kelib chiqish manbasini tekshirishi haqida
Ayrim banklar $1000 dan ortiq valyutani yechib olishda ularning kelib chiqish manbalarini so‘ray boshladi. MB raisi buni naqd valyuta yetkazib beruvchi Nyu-York bankining talabi bilan izohladi. Shuningdek u, o‘tkazmalarning 60 foizi nega $10 ming yoki undan ko‘proq qiymatdagi tranzaksiyalar ekanini tushuntirdi.
OAV: «Rossiyada o‘zbekistonlik valyuta chayqovchilari faollashdi»
Rossiya o‘zbekistonlik valyuta chayqovchilari ayriboshlovchi joyga aylandi, deb xabar bermoqda Rossiya OAV. O‘zbekistonliklar rublga o‘zbek so‘mini xarid qilib, so‘ngra dollarga almashtirib, RFga olib kelib, bu yerda yana rublga almashtirishmoqda. Bunday operatsiyalardan bir necha kunda 6% gacha foyda olish mumkin.
Iyun oyida pul o‘tkazmalari rekordni yana yangiladi
O‘zbekistonda iyun oyidagi xorijdan pul o‘tkazmalari miqdori rekordni yangilab, 2,34 mlrd dollarni tashkil qildi. Mazkur ko‘rsatkich o‘tgan yilning mos davriga nisbatan qariyb 3,25 martaga ko‘p.
Rossiyadagi inqiroz Markaziy Osiyo mamlakatlaridagi iqtisodiy vaziyatga ta’sir ko‘rsatadi — Xalqaro migratsiya tashkiloti
Hozirda Rossiyada Markaziy Osiyodan 4 millionga yaqin, jumladan, O‘zbekistondan — qariyb 2 million mehnat migrantlari faoliyat yuritadi. XMTning qayd etishicha, Rossiya iqtisodiyotining qisqarishi migrantlarning daromadlari va ularning mamlakatlaridagi iqtisodiy vaziyatga salbiy ta’sir ko‘rsatishi muqarrar.
MDH mamlakatlarida pul o‘tkazmalari inqirozi kutilmoqda — Jahon banki
Jahon banki prognoziga ko‘ra, Rossiyaga qarshi sanksiyalar va Ukrainadagi inqiroz MDH davlatlari, shu jumladan O‘zbekistonda pul o‘tkazmalarining qisqarishiga olib keladi. Shuningdek, 2022 yilda Rossiya YAIM tushishi va rublning dollarga nisbatan qadrsizlanishi migrantlarning bandligi va daromadlarini kamaytirishi mumkin, bu esa MDHda qashshoqlik muammosini yanada kuchaytiradi.
O‘zbekistonliklarning real daromadlari o‘sishi sekinlashdi
2022-yilning birinchi choragida O‘zbekiston aholisining real daromadlari o‘sishi 3,3 foizgacha sekinlashdi. Ushbu ko‘rsatkich 2021-yilda 7,7 foizga teng bo‘lgandi. Aholining daromadlar tarkibida pul o‘tkazmalarining ulushi kamaydi. Shu bilan birga, aholi jon boshiga umumiy daromad 3,2 mln so‘mgacha ko‘tarildi.
Rossiyaning Ukrainaga bosqini O‘zbekistonda iqtisodiy o‘sishni 3,6% gacha sekinlashtiradi — Jahon banki
Jahon banki hisob-kitoblariga ko‘ra, Rossiyaning Ukrainaga bostirib kirishi oqibatlari O‘zbekistonda iqtisodiy o‘sish darajasini 3,6% gacha sekinlashtiradi, inqirozgacha bu ko‘rsatkich 6% ga baholangan edi. Ayni paytda xomashyo eksportidan olinadigan daromadlar va xususiylashtirishdan tushumlarning nisbatan yuqoriroq bo‘lishi pul o‘tkazmalariga qaram bo‘lgan uy xo‘jaliklarini moddiy jihatdan qo‘llab-quvvatlash maqsadlaridagi yuqori ijtimoiy soha xarajatlarini qoplaydi, pul o‘tkazmalari qisqarishi va mehnat migrantlarining uylariga qaytishi ortidan mamlakatda kambag‘allik darajasi keskin o‘sishining oldini oladi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Samarqandda avtobus Cobalt bilan to‘qnashib ag‘darildi, bir kishi vafot etdi
- Komil Allamjonovga suiqasd bo‘yicha ayblanuvchilar 23 yilgacha qamoq jazosiga hukm qilindi
Qo‘shimcha imkoniyatlardan foydalanish uchun saytda ro‘yxatdan o‘ting